(Das Strandbad in Klagenfurt im dichten Nebel einer Jännernacht 2018, menschenleer bis auf, am Ende des Steges, zwei ehemalige Beachvolleyball-Nachwuchsspieler in schwarzen Stiefeln, schwarzen Hosen und schwarzen Anoraks mit der Aufschrift "Security". Sie werfen Kieselsteine ins Wasser.)
DER ERSTE (ansatzlos deklamierend): Heite früh blickte ich / aus den Fensta. / Auf den Wiesn / log Reif, und die Wolkn / hingen ma fost / in die Pappn / so tiaf.
(Pause)
DER ZWEITE: Guat.
DER ERSTE: Wohl?
DER ZWEITE: Wohl wohl, guat. Wia geht weita?
DER ERSTE: Geht nit weita. Fragment.
DER ZWEITE: Ah, Fragment. Schod.
(Pause)
DER ZWEITE (lacht): Dabei san goa kane Wolkn. Newl. Driwa steanenkloa. Und trotzdem sigt man kane drei Meta weit.
DER ERSTE: Eh.
DER ZWEITE: I frog mi, fia wos mia do sitzn miassn bei so an Newl. Wonn jetz zum Beispül a Flichtling tat herschwimmen von Reifnitz, tat ma ihn nit segn.
DER ERSTE: Schwimmt kana her von Reifnitz um die Johreszeit. Z'kolt.
DER ZWEITE: Sog dos nit. I glesn Klane Zeitung, in Owaesterreich hocknt se auf Eis von Traunsee, doss kennen in Winta bodn.
DER ERSTE: Echt?
DER ZWEITE: Echt.
DER ERSTE: Trottln, oda?
DER ZWEITE: Eh.
(Pause. Kieselsteine.)
DER ZWEITE: Waßt du, wia Owaesterreicha sogn zum Newl? Nöwi.
DER ERSTE: Wia?
DER ZWEITE: Nöwi.
DER ERSTE: Nöwi?
DER ZWEITE: Nöwi.
DER ERSTE: Trottln, oda?
(Vorhang)
(Antonio Fian, 4.1.2018)